విశాఖ: విశాఖపట్నం స్టీల్‌ ప్లాంట్‌కు ఫోర్‌ స్టార్‌ ఎక్స్‌పోర్ట్‌ హౌస్‌ హోదా లభించింది. డైరెక్టర్‌ జనరల్‌ ఆఫ్‌ ఫారిన్‌ ట్రేడ్‌ అధికారులు స్టీల్‌ప్లాంట్‌ యాజమాన్యానికి ఇందుకు సంబం ధిత పత్రాలను పంపించారు. రెండేళ్ల పాటు వరుసగా 500 మిలియన్‌ డాలర్ల కంటే ఎక్కువ ఎగుమతులు చేస్తే ఈ హోదా లభిస్తుంది. విశాఖ స్టీల్‌ ప్లాంట్‌ వరుసగా రెండేళ్లు 500 మిలియన్‌ డాలర్ల ఎగుమతుల మార్కును దాటిన నేపథ్యంలో ఈ హోదా ప్రకటించారు. ఈ హోదా 2026 అక్టోబర్‌ 21 వరకు ఉంటుందని అధికారులు తెలిపారు. విశాఖ స్టీల్‌ప్లాంట్‌ ఇప్పటి వరకూ త్రీ స్టార్‌ రేటింగ్‌తోనే సరిపెట్టుకోవాల్సి వచ్చింది. కాగా, నవరత్నాల్లో ఒకటైన విశాఖ స్టీల్‌ప్లాంట్‌ను కేంద్ర ప్రభుత్వం అమ్మకానికి పెట్టిన సంగతి తెలిసిందే.
మీ స్నేహితులకు రికమెండ్ చెయ్యండి
