- మిగిలిన డిమాండ్లు పరిష్కరించాలి : ఎస్‌కేఎం
న్యూఢిల్లీ : రైతు ఉద్యమంలో తదుపరి కార్యాచరణను డిసెంబర్‌ 4న ప్రకటిస్తామని సంయుక్త కిసాన్‌ మోర్చా (ఎస్‌కేఎం) స్పష్టం చేసింది. ఆ రోజు సింఘూలో జరిగే సమావేశంలో ప్రధాని మోడీకి రాసిన లేఖలో ప్రస్తావించిన పలు అంశాలపై చర్చించి భవిష్యత్‌ నిర్ణయాలు తీసుకోనున్నట్టు తెలిపింది. నిరసన తెలుపుతున్న రైతుల పెండింగ్‌లో ఉన్న డిమాండ్‌లకు ప్రతిస్పందనగా అక్కడక్కడా బీజేపీ ప్రభుత్వాల నుంచి అస్పష్టమైన ప్రకటనలు వస్తున్నాయని, ఇది ఆమోదయోగ్యమైన ప్రతిస్పందన, హామీ కాదని ఎస్‌కేఎం మరోసారి స్పష్టం చేసింది. పెండింగ్‌లో ఉన్న డిమాండ్‌లపై స్పష్టమైన హామీని, ఖచ్చితమైన పరిష్కారాన్ని ఎస్‌కేఎం కోరుకుంటుందని తెలిపింది. హర్యానాలో దాదాపు 48,000 మంది రైతులపై దాఖలైన కేసుల ఉపసంహరణ విషయంలో తాను కేంద్ర ప్రభుత్వ సూచనల మేరకు నడుచుకుంటానని హర్యానా ముఖ్యమంత్రి ఇప్పటికే సూచించారని, మిగిలిన డిమాండ్లను నెరవేర్చాల్సిన బాధ్యత నుంచి మోడీ ప్రభుత్వం తప్పించుకోలేక పోతుందని ఎస్‌కెఎం పేర్కొంది. 2020లో ఆమోదించిన బిల్లుల మాదిరిగానే ప్రభుత్వం రద్దు బిల్లును కూడా అప్రజాస్వామికంగా, అన్‌పార్లమెంటరీ పద్ధతిలో అమలులోకి తెచ్చిందనే వాస్తవాన్ని ఎస్‌కేఎం ఖండిస్తోంది. ఎంఎస్‌పి చట్టపరమైన హామీతో సహా ఇతర రైతు సమస్యలను లేవనెత్తే 12 మంది ఎంపిలు పార్లమెంటు శీతాకాల సమావేశాల మొత్తానికి అవి అనాలోచితంగా సస్పెండ్‌ చేయబడ్డారు. పార్లమెంటులో ఈ వివరణాత్మక చర్చలను అడ్డుకోవడం పూర్తిగా అనారోగ్యకరం, అప్రజాస్వామికం అని ఎస్‌కేఎం పేర్కొంది. ఛత్తీస్‌గఢ్‌ రాష్ట్రం బస్తర్‌లోని సిల్గర్‌, ఇతర ప్రాంతాల్లో ఆరు నెలలకు పైగా వారి నిరవధిక పోరాటం కొనసాగుతోంది.
ఈ చారిత్రాత్మక రైతుల ఆందోళన ప్రారంభంలోనే పెట్టుబడిదారీ దళారులకు మద్దతు ఇవ్వడానికి, శాంతింపజేసేందుకు వ్యవసాయ చట్టాలు తీసుకురాబడ్డాయని అర్థం చేసుకున్న ఎస్‌కేఎం, అదానీ, అంబానీల కార్పొరేట్‌ సంస్థలపై బహిష్కరణ, ప్రతిఘటనను కోరుతూ పిలుపునిచ్చింది. ప్రాథమిక వనరులు, వర్గాల జీవితాలు, జీవనోపాధిని కార్పొరేట్‌ స్వాధీనం చేసుకోవడానికి వ్యతిరేకంగా ఈ ప్రతిఘటనను ప్రదర్శిస్తున్న ఆదివాసీ రైతుల స్ఫూర్తికి వందనమని, తమ సంఘీభావం ఉంటుందని ఎస్‌కెఎం పేర్కొంది.