న్యూఢిల్లీ : సీపీఐ(ఎం) పంజాబ్‌ రాష్ట్ర కార్యదర్శిగా సుఖ్విందర్‌ సింగ్‌ సెఖోన్‌ తిరిగి ఎన్నికయ్యారు. ఇటీవలి పంజాబ్‌ 23వ రాష్ట్ర మహాసభలు లూథియానాలో జరిగాయి. సీపీఐ(ఎం) ప్రధాన కార్యదర్శి సీతారాం ఏచూరి, పొలిట్‌ బ్యూరో సభ్యులు నీలోత్పల్‌ బసు హాజరయ్యారు. ఈ మహాసభల్లో రాష్ట్ర కార్యదర్శిగా సుఖ్విందర్‌ సింగ్‌ సెఖోన్‌తో పాటు 30 మందితో రాష్ట్ర కమిటీ ఏకగ్రీవంగా ఎన్నికైంది.
సీపీఐ(ఎం) ఒడిశా రాష్ట్ర కార్యదర్శిగా అలీ కిశోర్‌ పట్నాయక్‌
సీపీఐ(ఎం) ఒడిశా రాష్ట్ర కార్యదర్శిగా అలీ కిశోర్‌ పట్నాయక్‌ తిరిగి ఎన్నికయ్యారు. ఇటీవల ఒడిశా 22వ రాష్ట్ర మహాసభలు రూర్కేలాలో జరిగాయి. ఈ మహాసభలకు సీపీఐ(ఎం) ప్రధాన కార్యదర్శి సీతారాం ఏచూరి, పొలిట్‌ బ్యూరో సభ్యులు సూర్యకాంత్‌ మిశ్రా హాజరయ్యారు. ఈ మహాసభల్లో రాష్ట్ర కార్యదర్శిగా అలీ కిశోర్‌ పట్నాయక్‌తో పాటు 30 మందితో రాష్ట్ర కమిటీ ఏకగ్రీవంగా ఎన్నికైంది.
