న్యూఢిల్లీ : ఉపరాష్ట్రపతి వెంకయ్యనాయుడుకు కరోనా పాజిటివ్‌గా మారింది. ఈ విషయాన్ని ఆదివారం తన సోషల్‌ మీడియా ఖాతా ద్వారా తెలిపారు. ఉపరాష్ట్రపతి ప్రస్తుతం హైదరాబాద్‌లో ఉన్నారు. వారం రోజుల పాటు స్వీయ-ఐసోలేషన్‌లోకి వెళ్లారు. తనతో పరిచయం ఉన్న వారందరినీ పరీక్షించి ఐసోలేట్‌ చేసుకోవాలని ఆయన విజ్ఞప్తి చేశారు. వెంకయ్యకు రెండోసారి కోవిడ్‌ సోకింది. ఏడు రోజుల పాటు క్వారంటైన్‌లో ఉంటే గణతంత్ర వేడుకలకు హాజరు కాలేరు. పార్లమెంటు కాంప్లెక్స్‌లో ఇప్పటివరకు 875 మందికి కరోనా పాజిటివ్‌ వచ్చింది. వీరిలో 271 మంది రాజ్యసభ సెక్రెటేరియట్‌కు చెందిన వారు. వరుసగా మూడో రోజు మూడులక్షలకుపైనే కరోనా కేసులు నమోదయ్యాయి. శనివారం 3 లక్షల 33 వేల 533 మందికి కొత్త కరోనా సోకింది. 525 మంది మరణించారు.