జమ్మూకాశ్మీర్‌ : కాశ్మీర్‌లోని సాంబా సరిహద్దుల్లో అక్రమంగా చొరబడుతున్న ముగ్గురు పాక్‌ స్మగ్లర్లు బీఎస్‌ఎఫ్‌ కాల్పుల్లో మృతి చెందారు. వారి నుండి భారీగా మత్తుపదార్థాలను భద్రతాదళాలు సీజ్‌ చేశాయి. డీఐజీ సింధు మాట్లాడుతూ ... ఆదివారం తెల్లవారుజామున 2.30 గంటల సమయంలో జమ్మూ కాశ్మీర్‌లో సరిహద్దుల ద్వారా ముగ్గురు పాకిస్థానీ స్మగ్లర్లు చొరబడుతుండగా, సరిహద్దు భద్రతా దళం గుర్తించిందని తెలిపారు.లొంగిపోవాలని వారిని కోరినా పట్టించుకోకపో వడంతో బలగాలు కాల్పులు జరిపాయని, వారు ముగ్గురూ అక్కడికక్కడే మరణించారని చెప్పారు. వారు అక్రమంగా రవాణా చేస్తున్న మూడు కిలోల హెరాయిన్‌ను స్వాధీనం చేసుకున్నారని చెప్పారు. సరిహద్దు ప్రాంతంలో చొరబాట్లను నిరోధించేందుకు బలగాలు మరింతగా భద్రతను కట్టుదిట్టం చేశాయి. తనిఖీలను ముమ్మరం చేశాయి.