తిరువనంతపురం : కేరళలోని కొచ్చిలో శుక్రవారం మట్టి చరియలు విరిగిపడిన ప్రమాదంలో నలుగురు మృతి చెందగా, ఇద్దరు తీవ్రంగా గాయపడ్డారు. నగరంలోని కలంసెరీ ప్రాంతంలో ఎర్నాకులం మెడికల్‌ కాలేజ్‌కు సమీపంలోని ఒక నిర్మాణ ప్రదేశంలో ఈ ఘోరం జరిగింది. మధ్యహ్నం 2:30 గంటల సమయంలో కార్మికులు భారీ గొయ్యి తీసే పనిలో ఉండగా మట్టి చరియలు ఒక్కసారిగా మీద పడ్డాయి. వెంటనే సమాచారం అందుకున్న అగ్నిమాపక, సహాయక సిబ్బంది అక్కడకు చేరుకున్నారు. ఇద్దరి సురక్షితంగా బయటకు తీశారు. బాధితులంతా పశ్చిమబెంగాల్‌కు చెందినవారు.
మీ స్నేహితులకు రికమెండ్ చెయ్యండి
