ఇంఫాల్‌ : మణిపూర్‌ ముఖ్యమంత్రిగా ఎన్‌.బీరేన్‌ సింగ్‌ సోమవారం ప్రమాణ స్వీకారం చేశారు. వరుసగా రెండోసారి ఆయన సిఎంగా బాధ్యతలు చేపట్టారు. ఆయనతో మణిపూర్‌ గవర్నర్ లా గణేషన్‌ రాజ్‌భవన్‌లో ప్రమాణం చేయించారు. ఈ కార్యక్రమానికి బిజెపి జాతీయ అధ్యక్షుడు జెపి నడ్డా, మణిపూర్‌ బిజెపి అధ్యక్షురాలు అధికారిమయుం శారదా దేవి, త్రిపుర సిఎం విప్లవ్‌ దేవ్‌, ఇతర పార్టీ నేతలు పాల్గొన్నారు. పార్టీ లెజిస్టేటివ్‌ పార్టీ నేతగా బీరెన్‌ ఎన్నికయ్యారని, సిఎంగా కొనసాగుతారని ఆదివారం కేంద్ర ఆర్థిక శాఖ మంత్రి నిర్మలా సీతారామన్‌ ప్రకటించారు.
మీ స్నేహితులకు రికమెండ్ చెయ్యండి
