- మూడురోజులపాటు సమావేశాలు
న్యూఢిల్లీ: సీపీఐ(ఎం) కేంద్ర కమిటీ సమావేశాలు ప్రారంభం అయ్యాయి. మూడు రోజుల పాటు జరిగే ఈ సమావేశాలు శుక్రవారం స్థానిక హరికిషన్‌ సింగ్‌ సుర్జీత్‌ భవన్‌లో ప్రారంభమయ్యాయి. పార్టీ 23వ అఖిల భారత మహాసభల సంస్థాగత నివేదికపై చర్చ జరుగుతుంది. అలాగే జాతీయ, అంతర్జాతీయ రాజకీయ, ఆర్థిక, సామాజిక పరిస్థితులపై చర్చ జరిగింది. సీపీఐ(ఎం) ప్రధాన కార్యదర్శి సీతారాం ఏచూరి, పొలిట్‌ బ్యూరో సభ్యులు మాణిక్‌ సర్కార్‌, ప్రకాష్‌ కరత్‌,బృందా కరత్‌, బివి రాఘవులు, కేరళ ముఖ్యమంత్రి పినరయి విజయన్‌, తెలంగాణ నుంచి తమ్మినేని వీరభద్రం, ఎస్‌.వీరయ్య, జి.నాగయ్య, చెరుపల్లి సీతారాములు, ఏపీ నుంచి వి.శ్రీనివాసరావు, ఎంఎ గఫూర్‌, పి.మధు, తదితరులు పాల్గొన్నారు.