పాట్నా : బీహార్‌ ముఖ్యమంత్రి నితీష్‌కుమార్‌పై స్వస్థలం భఖ్తియార్‌పూర్‌లో ఆదివారం ఒక యువకుడు దాడికి పాల్పడ్డాడు. ప్రస్తుతం ఆ యవకుడు పోలీసుల కస్టడీలో ఉన్నాడు. భఖ్తియాపూర్‌ పట్టణంలోని సఫర్‌ హాస్పటల్‌ కాంప్లెక్స్‌లో ఉన్న ప్రముఖ స్వాతంత్య్ర సమరయోధుడు షిల్‌బద్ర యాజి విగ్రహానికి నితీష్‌కుమార్‌ నమస్కరిస్తుండగా, వెనక నుంచి వచ్చిన యువకుడు దాడి చేశాడు. ముఖ్యమంత్రి భద్రతా సిబ్బంది వెంటనే ఆ యువకుడిని అదుపులోకి తీసుకున్నారు. అతనిని కొట్టవద్దని, ఏమి చెబుతున్నాడో తెలుసుకోండని సిఎం చెప్పారు. నిందితుడిని నగరంలోని జ్యుయలరీ షాపు యజమాని శంకర్‌ షాగా గుర్తించారు. శంకర్‌కు మతిస్థిమితం లేదని లేదని పోలీసుల ప్రాథమిక విచారణలో తేలింది. కేసు నమోదు చేసి, విచారణ జరుపుతున్నామని పోలీసులు తెలిపారు.
మీ స్నేహితులకు రికమెండ్ చెయ్యండి
