జమ్ము : తీవ్రవాదుల జరిపిన దాడిలో పోలీసు, అతని సోదరుడు మృతి చెందిన సంఘటన జమ్ముకాశ్మీర్‌లోని బుద్గాంలో జరిగింది. శనివారం రాత్రి స్పెషల్‌ పోలీస్‌ ఆఫీసర్‌ (ఎస్‌పిఓ) ఇషాఫక్‌ అహ్మద్‌ దార్‌ ఇంటిపై తీవ్రవాదులు కాల్పులు జరిపారు. దీంతో అహ్మద్‌ అక్కడిక్కడే చనిపోయాడు. అతని సోదరుడు ఉమర్‌ అహ్మద్‌ తీవ్రంగా గాయపడ్డాడు. ఆసుపత్రిలో చికిత్స పొందుతూ ఉమర్‌ ఆదివార ఉదయం మృతి చెందాడు. బుద్గాం జిల్లాలోని చద్దుగ్‌ గ్రామంలో ఆదివారం వీరి అంత్యక్రియలు నిర్వహించారు. ఈ కార్యక్రమానికి వేలాదిమంది తరలివచ్చారు. ఇటీవల జమ్ముకాశ్మీర్‌లో పోలీసు కుటుంబాలపై తీవ్రవాదుల దాడులు ఎక్కువయ్యాయి. బుద్గాం జిల్లాలోనే ఈ నెలలోనే ఇది మూడో దాడి.
మీ స్నేహితులకు రికమెండ్ చెయ్యండి
