బెంగళూరు : కర్నాటకలో బాంబు బెదిరింపులు కలకలం రేపాయి. రాష్ట్ర రాజధాని బెంగళూరులో 7 పాఠశాలలకు ఒకేసారి బాంబు బెదిరింపులు వచ్చాయి. దీంతో పోలీసులు అప్రమత్తయ్యారు. నగరంలో శుక్రవారం ఉదయం ఏడు పాఠశాలలకు ఈ-మెయిల్‌ ద్వారా బాంబు బెదిరింపులు వచ్చాయనీ, స్కూల్‌ యాజమాన్యాలు వెంటనే పోలీసులకు సమాచారమిచ్చామని బెంగళూరు నగర పోలీస్‌ కమిషనర్‌ కమల్‌పంత్‌ తెలిపారు. దీంతో పోలీసులు బాంబు స్క్వాడ్‌తో పాఠశాలలకు వెళ్లి తనిఖీలు చేపట్టాయి. ఇప్పటివరకు ఎలాంటి పేలుడు పదార్థాలు లభించలేదని అన్నారు. ఈ ఘటనపై దర్యాప్తు చేస్తున్నామని అన్నారు.
మీ స్నేహితులకు రికమెండ్ చెయ్యండి
