- జూన్‌ 1న కేరళకు నైరుతి పవనాలు : ఐఎండీ
న్యూఢిల్లీ : ఈ ఏడాది కూడా భారత్‌లో చాలా ప్రాంతంలో సాధారణ వర్షపాతం నమోదవుతుందని వాతావరణ శాఖ (ఐఎండీ) గురువారం తెలిపింది. జూన్‌ 1న కేరళలో నైరుతి రుతుపవనాల ప్రారంభం తర్వాత ఉత్తర, మధ్య భారత్‌లోని చాలా ప్రాంతాల్లో సాధారణ వర్షపాతం నమోదవుతుంది. ఈశాన్య, వాయువ్య, అలాగే దక్షిణ ద్వీపకల్పంలోని దక్షిణ భాగాల్లో సాధారణం కంటే తక్కువ వర్షపాతం నమోదయ్యే అవకాశం ఉంది. 2021లో కూడా నైరుతి రుతుకాలమైన జూన్‌ నుంచి సెప్టెంబర్‌ వరకు దేశంలో సాధారణ వర్షపాతమే నమోదైంది. సాధారణం లేదా సాధారణం కంటే ఎక్కువ వర్షపాతం నమోదు కావడం .. వరుసగా మూడో సంవత్సరమని వాతావరణ శాఖ తెలిపింది.
మీ స్నేహితులకు రికమెండ్ చెయ్యండి
