చెన్నై : స్వదేశీ ఎలక్ట్రానిక్స్‌ సంస్థ జీబ్రానిక్స్‌ శక్తిమంతమైన టవర్‌ స్పీకర్‌ను విడుదల చేసింది. ఈ టవర్‌ స్పీకర్‌ జెడ్‌ఈబీ-బీటీ 8000ఆర్‌యూఎఫ్‌ తయారీ పూర్తిగా భారత్‌లో తయారైందని ఆ సంస్థ వివరించింది. ఇది గృహ విందులు, సమావేశాలకు సరిగ్గా సరిపోతుందని పేర్కొన్నది. టవర్‌ స్పీకర్‌ డ్యూయల్‌ మూడు అంగుళాల పూర్తి స్థాయి డ్రైవర్‌, 5.3 అంగుళాల సబ్‌ ఊఫర్‌ను కలిగి ఉంటుందని జీబ్రానిక్స్‌ వివరించింది. దీని ప్రత్యేక ఆఫర్‌ ధర రూ. 5,099. ఇది అమెజాన్‌లో అందుబాటులో ఉన్నట్టు సంస్థ పేర్కొన్నది. జీబ్రానిక్స్‌ డైరెక్టర్‌ ప్రదీప్‌ మాట్లాడుతూ.. టవర్‌ స్పీకర్‌ను ప్రారంభించటం తమకు చాలా గర్వంగా ఉన్నదన్నారు. భారత్‌లో తయారైన మరిన్ని ఉత్పత్తులను తీసుకురావడానికి అంకిత భావంతో ఉన్నట్టు చెప్పారు.