- ముగ్గురు ఉగ్రవాదులు హతం
శ్రీనగర్‌ : కేంద్రపాలిత ప్రాంతం జమ్మూకాశ్మీర్‌లోని పుల్వామాలో ఎన్‌కౌంటర్‌ చోటు చేసుకున్నది. ద్రబ్‌గామ్‌ ప్రాంతంలో భద్రతా దళాలు, ఉగ్రవాదులకు మధ్య కాల్పులు జరిగాయి. ఈ ఘటనలో లష్కర్‌- ఎ-తొయిబా(ఎల్‌ఈటీ)కు చెందిన ముగ్గురు ఉగ్రవాదులను భద్రతా దళాలు మట్టుబెట్టాయి. తొలుత ఒక్కరే చనిపోయారని గుర్తించినప్పటికీ.. ఆ తర్వాత మరో ఇద్దరు ఉగ్రవాదులు మృతి చెందిన విషయాన్ని జమ్మూకాశ్మీర్‌ పోలీసులు ట్వీట్‌ ద్వారా తెలియజేశారు. వీరి నుంచి రెండు ఏకే 47 రైఫిల్స్‌, ఒక పిస్టల్‌తో పాటు ఆయుధాలు, మందుగుండు సామాగ్రి, ఇతర నిషేదిత పదార్థాలను స్వాధీనం చేసుకున్నట్టు వివరిం చారు. మృతి చెందిన ముగ్గురు ఉగ్రవాదులను పుల్వామాకు చెందిన జునై ద్‌ షీర్‌గోజ్రీ, ఫజిల్‌ నజీర్‌ భట్‌, ఇర్ఫాన్‌ అV్‌ా మాలిక్‌ లు గా గుర్తించారు. ఈ విషయాన్ని కాశ్మీర్‌ ఇన్‌స్పెక్టర్‌ జనరల్‌ ఆఫ్‌ పోలీస్‌ (ఐజీపీ) విజరు కుమార్‌ తెలిపారు. వీరిలో జునైద్‌ అనే ఉగ్రవాది గతంలో కాశ్మీరీ పోలీస్‌కు చెందిన రియాజ్‌ అహ్మద్‌ను హత్య చేశాడని వివరించారు.
