ఢిల్లీ: దేశంలో కరోనా వ్యాప్తి కొనసాగుతోంది. గత కొన్ని రోజులుగా 20 వేల కేసులు నమోదవుతున్న సంగతి తెలిసిందే. తాజాగా ఆదివారం మరో 20వేల పాజిటివ్‌ కేసులు, 36 మరణాలు నమోదయ్యాయి. ముందు రోజుతో పోలిస్తే కేసుల సంఖ్య 5.3శాతం తగ్గినప్పటికీ గడిచిన 24గంటల్లో 2100 యాక్టివ్‌ కేసులు పెరిగాయి. దీంతో దేశంలో కరోనా క్రియాశీల కేసుల సంఖ్య లక్షా 52వేలకు చేరింది. ఇప్పటి వరకు దేశంలో కరోనా బారినపడిన వారి సంఖ్య 4.38కోట్లు దాటింది. శనివారం 36 మంది మృతి చెందడంతో మొత్తం కొవిడ్‌ మరణాల సంఖ్య 5,26,033కు చేరినట్లు కేంద్ర ఆరోగ్యశాఖ వెల్లడించింది.
మీ స్నేహితులకు రికమెండ్ చెయ్యండి
