ముంబయి: గుజరాత్‌లో ముంబయి పోలీసులు భారీగా డ్రగ్స్‌ను స్వాధీనం చేసుకున్నారు. అంక్లేశ్వర్‌ పట్టణంలోని మెఫెడ్రోన్‌ (ఎండీ మ్యానుఫ్యాక్చరింగ్‌ ) యూనిట్‌లో 500 కిలోలకు పైగా నిషేధిత మాదకద్రవ్యాలను సీజ్‌ చేశారు. వీటి విలువ దాదాపు రూ.1026కోట్లు ఉంటుందని అధికారులు తెలిపారు. డ్రగ్స్‌ గురించి తమకు అందిన సమాచారంతో ముంబయిలోని వర్లి పోలీస్‌ విభాగానికి చెందిన యాంటీ నార్కొటిక్స్‌ విభాగం ఆగస్టు 13న ఆ యూనిట్‌పై దాడులు నిర్వహించింది. ఈ దాడుల్లో 513 కిలోల సింథటిక్‌ డ్రగ్స్‌ను స్వాధీనం చేసుకొని ఆ డ్రగ్‌ యూనిట్‌ యజమాని గిరిరాజ్‌ దీక్షిత్‌ను అరెస్టు చేసినట్టు అధికారులు వెల్లడించారు.
మీ స్నేహితులకు రికమెండ్ చెయ్యండి
