- నేడు 'రన్‌ ఫర్‌ యూనిటీ'
- మన్‌ కీ బాత్‌ లో ప్రధాని మోడీ
న్యూఢిల్లీ : త్వరలో 36 ఉపగ్రహాలు ప్రయోగం జరుగుతుంది అని ప్రధాన మంత్రి నరేంద్ర మోడీ అన్నారు. క్రయోజెనిక్‌ రాకెట్‌ టెక్నాలజీని మన దేశానికి ఇచ్చేందుకు ఇతర దేశాలు గతంలో తిరస్కరించాయని, ఆ తరువాత దేశీయ శాస్త్రవేత్తలు మన దేశంలోనే అంతరిక్ష సాంకేతిక పరిజ్ఞానాన్ని అభివృద్ధి చేశారని చెప్పారు. ప్రతి నెలా చివరి ఆదివారం నిర్వహించే 'మన్‌ కీ బాత్‌' రేడియో కార్యక్రమంలో ప్రధాని మోడీ మాట్లాడుతూ, పదేండ్ల క్రితం ఇస్రో సాధించిన ఘన విజయాన్ని గుర్తు చేశారు. ''ఇస్రో పదేండ్ల క్రితం జియోసింక్రనస్‌ శాటిలైట్‌ లాంచ్‌ వెహికిల్‌ (జిఎస్‌ఎల్‌వి) ప్రాజెక్టును విజయవంతం చేసింది. క్రయోజెనిక్‌ ఇంజిన్‌తో జిఎస్‌ఎల్‌వి-డి5ను విజయవంతంగా ప్రయోగించింది. దీపావళికి ముందు 36 కమ్యూనికేషన్‌ శాటిలైట్స్‌ను విజయవంతంగా కక్ష్యలలోకి ఇస్రో ప్రవేశపెట్టింది. మరో 36 బ్రాడ్‌బ్యాండ్‌ ఉపగ్రహాలను త్వరలోనే ప్రయోగించబోతోంది'' అని అన్నారు. బిర్సా ముండా జయంతి నవంబర్‌ 15న గిరిజన వారసత్వాన్ని గుర్తు చేస్తూ జనజాతీయ గౌరవ్‌ దివస్‌ను జరుపుతామని అన్నారు. అక్టోబర్‌ 31న సర్దార్‌ వల్లభారు పటేల్‌ జయంతి సందర్భంగా జాతీయ ఐక్యతా దినోత్సవం జరుపుతున్నామని, నేడు (సోమవారం) దేశంలోని ప్రతి మూలలో 'రన్‌ ఫర్‌ యూనిటీ' నిర్వహించబడుతుందని అన్నారు.