- ఎనిమిది మంది మృతి
ఐజ్వాల్‌ : మిజోరంలోని హ్నాథియాల్‌ జిల్లాలో ఓ రాతి క్వారీ కుప్పకూలింది. ఈ ఘటనలో 8మంది మరణించగా, నలుగురు గల్లంతైనట్లు అధికారులు తెలిపారు. సోమవారం సాయంత్రం జరిగిన ఈ ఘటన ఆలస్యంగా వెలుగులోకి వచ్చింది. హ్నాథియాల్‌, డాన్‌ గ్రామం మధ్య ఉన్న ఈ క్వారీ ఎబిసిఐ ఇన్‌ఫ్ట్రాస్ట్రక్చర్‌ ప్రైవేట్‌ లిమిటెడ్‌ యాజమాన్యానికి చెందినదని హ్నాథియాల్‌ డిప్యూటీ కమిషనర్‌ తెలిపారు. క్వారీని బాగా లోతుగా తవ్వడంతో కొండ మొత్తం ఒక్కసారిగా కుప్పకూలిందని .. ఆ సమయంలో క్వారీలో 13 మంది పనిచేస్తున్నారని అన్నారు. వీరిలో 8మంది కాంట్రాక్టు ఉద్యోగులు ఉన్నారని చెప్పారు.
మీ స్నేహితులకు రికమెండ్ చెయ్యండి
