- కోవిడ్‌ వ్యాక్సినేషన్‌తో చనిపోయినోళ్లకు పరిహారం కూడా ఇవ్వలేం
- సుప్రీం కోర్టుకు తెలిపిన కేంద్ర ప్రభుత్వం
న్యూఢిల్లీ: కోవిడ్‌-19 వ్యాక్సినేషన్‌ నిర్వహణ వల్ల సంభవించే మరణాలకు ప్రభుత్వం బాధ్యత వహించదని కేంద్రం పేర్కొంది. పరిహారం చెల్లించే బాధ్యత ప్రభుత్వానికి లేదని తెలిపింది. కోవిషీల్డ్‌ వ్యాక్సిన్‌ దుష్ప్రభావాల కారణంగా మరణించిన ఇద్దరు బాలికల తల్లిదండ్రులు దాఖలు చేసిన పిటిషన్‌పై సుప్రీం కోర్టుకు కేంద్ర ప్రభుత్వం అఫిడవిట్‌ దాఖలు చేసింది. వ్యాక్సినేషన్‌ ప్రోగ్రామ్‌ కింద వాడుకలో ఉన్న వ్యాక్సిన్‌లు మూడు పార్టీలచే తయారు చేయబడ్డాయనీ, దేశంలో సమగ్ర నియంత్రణ సమీక్షను విజయవంతంగా నిర్ణయించాయని తెలిపింది. ఈ వాస్తవాల్లో టీకాల వాడకం నుంచి ఇమ్యునైజేషన్‌ తరువాత ప్రతికూల ప్రభావాల కారణంగా సంభవించే అత్యంత అరుదైన మరణాల కోసం పరిహారం అందించడానికి ప్రభుత్వాన్ని బాధ్యులుగా చేయడం చట్టబద్ధంగా నిలవదని పేర్కొంది. ఔషధానికి దుష్ప్రభావాలు ఉన్నట్లే, ప్రపంచంలోని ప్రతి టీకాకు ఎఈఎఫ్‌ఐలు నివేదించబడ్డాయనీ, వ్యాక్సిన్‌ లబ్దిదారునికి టీకా గురించి మరింత సమాచారం టీకా సైట్‌లో, ఆరోగ్య కార్యకర్తలు, వైద్యుల నుంచి తెలుసుకోవచ్చని తెలిపింది.
