- 12న ప్రమాణ స్వీకారం
అహ్మదాబాద్‌ : బిజెపి గుజరాత్‌ శాసనసభా పక్ష నేతగా భూపేంద్ర పటేల్‌ శనివారం ఏకగ్రీవంగా ఎన్నికయ్యారు. కొత్త ప్రభుత్వం ఏర్పాటు చేస్తామని గవర్నర్ దేవవ్రత్‌కు ఆయన తెలియజేశారు. సోమవారం ప్రభుత్వం ఏర్పాటు చేయాలని పటేల్‌ను గవర్నర్ ఆహ్వానించారు. కొత్త ప్రభుత్వం ఏర్పాటుకు వీలుగా భూపేంద్ర పటేల్‌తోపాటు పాత మంత్రివర్గం శుక్రవారం రాజీనామా చేసిన సంగతి తెలిసిందే. శనివారం ఉదయం జరిగిన బిజెపి శాసన సభాపక్ష సమావేశంలో భూపేంద్ర పటేల్‌ పేరును పార్ధో ఎమ్మెల్యే కనుదేశాయ్‌ ప్రతిపాదించగా, ముగ్గురు సీనియర్‌ ఎమ్మెల్యేలు మద్దతు ఇచ్చారు. పార్టీ పరిశీలకులుగా సీనియర్‌ నేతలు రాజ్‌నాథ్‌ సింగ్‌, బిఎస్‌ యడియూరప్ప, అర్జున్ ముండా హాజరయ్యారు. భూపేంద్ర పటేల్‌ ఈ నెల 12వ తేదీన సీఎంగా ప్రమాణ స్వీకారం చేయనున్నారు.
మీ స్నేహితులకు రికమెండ్ చెయ్యండి
