న్యూఢిల్లీ : మహాత్మా గాంధీతో పాటు మాజీ ప్రధానులకు కాంగ్రెస్‌ నేత రాహుల్‌ గాంధీ నివాళులర్పించారు. సోమవారం ఉదయం తీవ్రమైన చలిలో రాహుల్‌ గాంధీ రాజ్‌ఘాట్‌ వద్ద మహాత్మా గాంధీతో వీర్‌ భూమి వద్ద రాజీవ్‌ గాంధీకి, శక్తి స్థల్‌ వద్ద ఇందిరా గాంధీకి, శాంతి వాన్‌ వద్ద జవహర్‌లాల్‌ నెహ్రూకు, విజరు ఘాట్‌ వద్ద లాల్‌ బహదూర్‌ శాస్త్రికి, స్మృతి స్థల్‌ వద్ద అటల్‌ బిహారీ వాజ్‌పేయి, కిసాన్ ఘాట్‌ వద్ద చరణ్‌ సింగ్‌, సమత స్థల్‌ వద్ద జగ్జీవన్‌రామ్‌ సమాధికి నివాళులు అర్పించారు. 5 డిగ్రీల తీవ్రమైన చలిలో ఆయన మామూలు దుస్తులు ధరించి కనిపించారు. కాగా, చలిని తట్టుకోవడంపై మీడియా అడిగిన ప్రశ్నలకు రాహుల్‌ గాంధీ స్పందిస్తూ 'నేను 2,800 కి.మీ నడిచాను, కానీ అది పెద్ద విషయం కాదని నేను నమ్ముతున్నాను. రైతులు, వ్యవసాయ కూలీలు, ఫ్యాక్టరీ కార్మికులు ప్రతిరోజూ చాలా నడుస్తారు. నిజానికి భారతదేశం మొత్తం' అని అన్నారు.
