పాట్నా : ప్రధాని మోడీపై బీహార్‌ ముఖ్యమంత్రి నితీష్‌కుమార్‌ ఆదివారం విమర్శలు సంధించారు. ''న్యూ ఇండియా కొత్త జాతి పిత దేశం కోసం ఏమిచేశారంటూ ఎద్దేవా చేశారు. ఇటీవల మహారాష్ట్ర ఉప ముఖ్యమంత్రి దేవేంద్ర ఫడ్నవీస్‌ భార్య అమత ఫడ్నవీస్‌ ప్రధాని మోడీని ''న్యూ ఇండియా ఫాదర్‌ ఆఫ్‌ నేషన్‌'' అని ప్రశంసించిన సంగతి తెలిసిందే. ఈ వ్యాఖ్యలపై నితీష్‌కుమార్‌ సెటైరికల్‌గా స్పందించారు. కొత్త జాతిపిత దేశానికి ఏం చేశారని ప్రశ్నించారు. స్వాతంత్య్ర పోరాటంతో ఆర్‌ఎస్‌ఎస్‌కు సంబంధం లేదని.. ప్రధాని మోడీని న్యూ ఫాదర్‌ ఆఫ్‌ నేషన్‌ అని ప్రశంసించడం ఇటీవల చదివానని.. మరి దేశంకోసం కొత్త జాతిపిత ఏం చేశారో చెప్పాలని అన్నారు.
మీ స్నేహితులకు రికమెండ్ చెయ్యండి
