- సీఐటీయూ తెలంగాణ రాష్ట్ర ప్రధాన కార్యదర్శి పాలడుగు భాస్కర్‌
శ్యామల్‌ చక్రవర్తి నగర్‌ నుంచి నవతెలంగాణ ప్రత్యేక ప్రతినిధి
తెలంగాణలో నూతన ఒరవడితో ముందుకు సాగుతున్నామని సీఐటీయూ రాష్ట్ర ప్రధాన కార్యదర్శి పాలడుగు భాస్కర్‌ అన్నారు. సీఐటీయూ అఖిల భారత మహాసభలో మూడో రోజైన శుక్రవారం ఆయన మాట్లాడారు. తెలంగాణలో తాము చేపట్టిన పాదయాత్రలు, జీపుజాతాలు కొత్త సంబంధాలను తెచ్చిపెట్టాయన్నారు. వాటిని మరింత విస్తృతం చేసి... ముందుకు సాగుతున్నామని చెప్పారు. కొత్త సంఘాలను రిజిష్ట్రర్‌ చేశామని వివరించారు. 450 గ్రామాల్లో 6,500 మంది వ్యవసాయేతర కార్మికుల దగ్గరకు వెళ్లి సర్వే నిర్వహించామని వివరించారు. తద్వారా వారి జీవన పరిస్థితులు, ఎదుర్కొంటున్న సమస్యలను గుర్తించామని తెలిపారు. క్షేత్రస్థాయిలో వ్యవసా యయేతర కార్మికుల సమస్యలపైనా పోరాటాలకు కార్యాచరణ రూపొందించామని చెప్పారు. ఆయా రంగాల వారీగా చేసిన పోరాటాలను ఆయన ఈ సందర్భంగా వివరించారు.