గాంధీనగర్‌: గుజరాత్‌లో నోట్ల వర్షం కురిసింది. గాల్లో ఎగిరిపడుతున్న కరెన్సీ నోట్లను అందుకునేందుకు స్థానికులు ఎగబడ్డారు. తమ కుమారుడి వివాహం సందర్భంగా ఓ కుటుంబం ఇంటిపై నుంచి నోట్లను వెదజల్లింది. మెV్‌ాసాణా జిల్లా కడీ తాలుకాలో ఇటీవల ఈ ఘటన జరిగింది. గడిచిన మూడు రోజుల నుంచి ఈ వీడియో సోషల్‌ మీడియాలో చక్కర్లు కొడుతోంది. డాబాపై ఉన్న ఓ వ్యక్తి రూ.500 నోట్లను గాల్లోకి వెదజల్లుతుండగా..
కింద ఉన్న వారంతా వాటిని అందుకునేందుకు ఎగబడడం వీడియోలో కనిపిస్తోంది. ఒకరినొకరు తోసుకుంటూ నోట్లను అందుకునే ప్రయత్నం చేయడం వీడియోలో రికార్డైంది. మాజీ సర్పంచ్‌ కరీంభాయి దాదుభాయి జాదవ్‌ మేనల్లుడు రజక్‌ వివాహం సందర్భంగా ఈ ఘటన జరిగిందని స్థానికులు చెబుతున్నారు. వారి కుటుంబంలో రజక్‌ ఒక్కడే మగ సంతానం అని, అందుకే ఇలా చేశారని సమాచారం.