- ఏబీవీపీ, వామపక్ష కార్యకర్తల మధ్య ఘర్షణ
న్యూఢిల్లీ :జవహర్‌లాల్‌ నెహ్రూ యూనివర్సిటీ (జేఎన్‌యూ)లో మరోసారి రచ్చ మొదలైంది. శివాజీ జయంతి సందర్భంగా అఖిల భారతీయ విద్యార్థి పరిషత్‌, వామపక్ష కార్యకర్తలు ఘర్షణకు దిగారు. వామపక్ష కార్యకర్తలు శివాజీ మహారాజ్‌ చిత్రాన్ని కిందకు విసిరారని ఆరోపించగా,ఏబీవీపీ కార్యకర్తలు తమపై దాడికి దిగారని వామపక్షాలు ఆరోపిస్తున్నాయి. అయితే ఇరువర్గాల నుంచి ఆరోపణలు వస్తున్నా యూనివర్సిటీ నుంచి ఎలాంటి ప్రకటన వెలువడలేదు.
వామపక్షాల వాదన ఏమిటంటే...
బాంబే ఐఐటీలో చదువుతున్న దర్శన్‌ సోలంకి కులతత్వ వాతావరణంతో హత్యకు గురయిన విషయం విదితమే. కాగా దర్శన్‌ సోలంకి తండ్రి పిలుపు మేరకు జేఎన్‌యూలో వామపక్ష విద్యార్థి సంఘాలు క్యాండిల్‌ మార్చ్‌ నిర్వహించారు..అయితే ఈ శాంతియాత్రను పూర్తి చేసేందుకు అనుమతించకుండా ఏబీవీపీ కార్యకర్తలు అడ్డుకునే ప్రయత్నం చేయటంతో వివాదం మొదలైందని అంటున్నారు. పరిస్థితిని అదుపు చేసేందుకు పోలీసులు రంగంలోకి దిగారు.
