- 16 రాష్ట్రాల్లో 60వేలకు పైగా కేసులు ఎఫ్‌ఐఆర్‌లు మాత్రం 3686 మాత్రమే..! రాజ్యసభలో కేంద్రం సమాచారం
న్యూఢిల్లీ : దేశంలో మైనింగ్‌ మాఫియా రెచ్చిపోతున్నది. మాఫియా ఆగడాలకు అడ్డుకట్టవేయాల్సిన అధికార యంత్రాంగాలు అంటనట్టుగా వ్యవహరిస్తున్నాయి. దీంతో అక్రమమైనింగ్‌కు సంబంధించిన కేసులలో ఎఫ్‌ఐఆర్‌లు తక్కువగా నమోదవుతున్నాయి. 16 రాష్ట్రాల అక్రమ మైనింగ్‌ ఘటనలకు సంబంధించి రాజ్యసభలో కేంద్రం వెల్లడించిన సమాచారంలో ఈ విషయం వెల్లడైంది. ఈ సమాచారం ప్రకారం ఎఫ్‌ఐఆర్‌ల దాఖలు రేటు చాలా తక్కువగా ఉంది. దేశంలో 16 రాష్ట్రాల్లో 60,419 అక్రమ మైనింగ్‌ కేసులు నమోదయ్యాయి. వీటిలో 3,686 ఎఫ్‌ఐఆర్‌లు మాత్రమే నమోదవడం గమనార్హం.భారతదేశంలో మైనింగ్‌ మైన్స్‌ మరియు మినరల్స్‌ (అభివద్ధి మరియు నియంత్రణ) చట్టం కింద నియంత్రించ బడుతుంది. 2015లో ఈ చట్టానికి చేసిన సవరణ ద్వారా అక్రమ మైనింగ్‌ కు జరిమానాలు మరింత కఠినతరం చేయబడ్డాయి. చట్టంలోని సెక్షన్‌ 4(1), 4(1ఏ)లను ఉల్లంఘిస్తే హెక్టారుకు రూ.25,000 నుంచి రూ.5 లక్షలకు పెనాల్టీ పెంపు, జైలు శిక్ష 2 ఏండ్ల నుంచి 5 ఏండ్లకు పెంచారు.అక్రమ మైనింగ్‌ను అరికట్టేందుకు మొత్తం 22 రాష్ట్రాలు నిబంధనలు రూపొందించాయి. లైసెన్స్‌ లేకుండా లేదా లైసెన్స్‌ ప్రాంతం వెలుపల మైనింగ్‌ చేసినప్పుడు లేదా అనుమతించదగిన మొత్తం కంటే ఎక్కువ సేకరించినప్పుడు అక్రమ మైనింగ్‌ జరుగుతుంది.
ఏప్రిల్‌ 1, 2022 మరియు సెప్టెంబర్‌ 30, 2022 మధ్య కాలానికి సంబంధించి మంత్రిత్వ శాఖ అందించిన తాజా డేటా ప్రకారం.. మొత్తం 60,419 అక్రమ మైనింగ్‌ కేసులు ఉన్నాయి. వీటిలో 3,686 ఎఫ్‌ఐఆర్‌లు మాత్రమే నమోదయ్యాయి. కోర్టులో 2,931 కేసులు దాఖలు చేయ బడ్డాయి.అత్యధిక కేసులు తెలంగాణ (17,938) నుంచి.. అత్యల్పం గోవా (1) నుంచి ఉన్నాయి. సిక్కింలో అత్యధికంగా ఎఫ్‌ఐఆర్‌లు (1,245), ఆంధ్రప్రదేశ్‌లో (4,296 కేసులు), గోవా (1 కేసు), హిమాచల్‌ ప్రదేశ్‌ (1,934 కేసులు), కేరళ (3,617 కేసులు), ఒడిశా (7 కేసులు), తమిళనాడులో జీరో ఎఫ్‌ఐఆర్‌లు నమోదయ్యాయి. (4,495 కేసులు) మరియు ఉత్తరప్రదేశ్‌లో (757) నమోదయ్యాయి.
2015-16లో మహారాష్ట్రలో అత్యధికంగా 33,621 కేసులతో అక్రమ మైనింగ్‌ కేసులు నమోదయ్యాయి. 2022 ఏప్రిల్‌-సెప్టెంబర్‌లో అత్యధికంగా తెలంగాణ నుంచి 17,938 అక్రమ మైనింగ్‌ కేసులు నమోదవుతున్నా.. అలాంటి కేసులు ఖచ్చితంగా తగ్గాయని చెప్పవచ్చు. 2009-10లో 487 కేసుల సంఖ్యను 2016-17లో కేవలం 45కి, 2022లో 7కి 90 శాతానికి పైగా తగ్గించినందున అక్రమ మైనింగ్‌ను అరికట్టడంలో ఒడిశా గొప్ప పురోగతి సాధించింది.