వాడు
రంగుల కట్టలతో
రావిచెట్టు కట్టకాడ
రామసిలుకల రెక్కల
సప్పుల్లను వెదజల్లుతాడు..!!
వాడు
తిర్నాలలో రంగుల రాట్నమై
అరచేతిలో అంజనం వేసి
అద్భుత ప్రపంచాన్ని చూపిస్తాడు..!!
వాడు
సరస్సులోని శాపలకు
లేపనం పూసిన
లేలేత ముక్కల్ని
గాలానికి వేసి
ఐదేళ్లకాలాన్ని కల్తీ చేస్తాడు..!!
వాడు
పక్షంరోజులు పాలేరై
పాచీ పనులకై గోచీలుపెట్టి
గళ్ళపెట్టెలను
గల్లీలకు పంపించి
పదవులను కొల్లగొట్టి
పల్లకీలను మోసే
బోయీలను చేస్తాడు..!!
వాడు
మాటకు కోటువేసి
జేబులో నోటువేసి
గల్లీలో మాటువేసి
సిల్లీలిక్కర్తో కాటు వేస్తాడు..!!
చెప్పేదంతా చెత్త
వాడసలే నత్త
తస్మాత్‌ జాగ్రత్త...!!!
- ఎమ్‌. జానకీరామ్‌,
సెల్‌:6305393291
మీ స్నేహితులకు రికమెండ్ చెయ్యండి
