వురిమిళ్ళ ఫౌండేషన్‌ - అక్షరాల తోవ సంయుక్త ఆధ్వర్యంలో 2021 సంవత్సరానికి గానూ నిర్వహించిన కథలు, కవితల పోటీల విజేతల వివరాలను వెల్లడించారు. వురిమళ్ళ శ్రీరాములు స్మారక కథల పోటీలో ప్రథమ, ద్వితీయ, తృతీయ విజేతలుగా శివప్రసాద్‌ (ఆడబిడ్డ), బి.కళాగోపాల్‌ (వలస దు:ఖం), అత్తలూరి విజయలక్ష్మి (గురుత్వ ఆకర్షణ); వురిమళ్ళ పద్మజ స్మారక కవితల పోటీ ప్రథమ, ద్వితీయ, తృతీయ విజేతలుగా వై.హెచ్‌.కే. మోహన్‌ రావు (అక్షయపాత్ర ఆగ్రహిస్తే), సాంబమూర్తి లండ (నాలుగు రెక్కల పిట్ల), వాడపర్తి వెంకటరమణ (వంటరి పిట్టనై)లను నిర్ణయించారు. వీటితో పాటు కీ||శే|| భోగోజు పురుషోత్తం - సముద్రమ్మ గార్ల స్మారక సాహితీ పురస్కారానికి డా|| దిలావర్‌ ఎంపికయినట్లు వురిమళ్ళ సునంద, భోగోజు ఉపేందర్‌లు పేర్కొన్నారు. వివరాలకు 9441815722, 9494773969 నంబర్లలో సంప్రదించవచ్చు.