సాహిత్య, పాత్రికేయరంగాలలో విశేష సేవలందించిన ప్రముఖ కవి ప్రసాదమూర్తికి, ప్రముఖ జర్నలిస్టు, ఈనాడు (ఆంధ్రప్రదేశ్‌) ఎడిటర్‌ ఎం. నాగేశ్వర్‌ రావుకు అందిచనున్నట్టు అరుణ్‌సాగర్‌ ట్రస్ట్‌ ప్రకటించింది. జనవరి 2 ఉదయం 10.30 గంటలకు సోమాజీగూడ ప్రెస్‌క్లబ్‌లో పురస్కార ప్రదానోత్సవం జరగనుంది. అతిథులుగా తెలంగాణ మీడియా అకాడమి చైర్మన్‌ అల్లం నారాయణ, తెలంగాణ సాహిత్య అకాడమి చైర్మన్‌ జూలూరు గౌరీశంకర్‌, సమాచార హక్కు కమిషనర్‌ కట్టా శేఖర్‌ రెడ్డి, ఎమ్మెల్సీ గోరటి వెంకన్న, ఎమ్మెల్యే సీహెచ్‌ క్రాంతికిరణ్‌, సరస్వతీ సమ్మాన్‌ పురస్కార గ్రహీత కే శివారెడ్డి, టీఎస్‌ పీఎస్సీ పూర్వ అధ్యక్షులు ప్రొఫెసర్‌ ఘంటా చక్రపాణి, టీవీ5 చైర్మన్‌ బీఆర్‌ నాయుడు పాల్గొననున్నారు. ఆంధ్రజ్యోతి ఎడిటర్‌ కే శ్రీనివాస్‌ అరుణ్‌ సాగర్‌ స్మారకోపన్యాసం చేస్తారు.