Sun 02 Jan 22:49:49.863347 2022
వెలుతురుని వెలివేసినట్టు
ఒక్కసారిగా
గది తలుపులన్నీ మూసుకున్నాయి.
కళ్లలోని వెలుతురు చుక్కల్ని
తలదిండు పీల్చుకుంది.
సలుపుతున్న నలుపుని
నలుగు పెడుతూ
చీకటి నవ్వుతుంది.
కనురెప్పల కిటికీలు
తెరుచుకున్నాయి.
కనుల ముందు శ్యామిక శూన్యం.
ఇది ఎవరి కలల రాత్రి?
ఎవరు కోరుకునే మైత్రి?
గాలి కూడా
ఊపిరి బిగబట్టిన గంభీర క్షణాలు.
భయంతో నడుము
ముడుచుకున్న దేహం
తనను తానే తడుముకుంటుంది.
ఆ స్పర్శలో
ఒక పార్శ్వము
రస ప్రసరణ
మరొకటిజి
మరణ ప్రేరణ.
- కుడికాల వంశీధర్‌, 9885201600
మీ స్నేహితులకు రికమెండ్ చెయ్యండి
