అఫిడావిట్‌ కు అఫిడావిట్‌ కు
అంతస్తులు కుతుబ్‌ మినార్‌ ను మించి
తరాలకు తరాలకు మధ్య
తరగని సంపద సరిహద్దులు దాటి

చెమట చుక్క రాల్చని పదవులు
వెనకీసేది వేల నోట్ల కట్టలు
పవర్‌ లో వున్న బంధువు అయితే చాలు
Farm house లో ఏపుగా చీకటి చెట్లు

ఒక్క ఫైల్‌ కదిలితే
ఖర్చు పెట్టుకోలేనంత కరెన్సీ మూట
ఇక్కడ చప్పట్లు కొడితే
ఢిల్లీ దుబారు కోటలో రీ సౌండ్‌

చెప్పేవి స్వదేశీ నినాదాలు
చేసేవి  Range rover ప్రయాణాలు
అందరి ముందు భగవద్‌ గీత ప్రమాణాలు
తెరవెనుక స్వార్థ పూరిత సంపాదనలు

సామాన్య జనాలకు
జీరో బ్యాలన్స్‌ ఖాతాలు
రాజకీయ పార్టీలకు
కోట్ల కరెంట్‌ అకౌంట్‌లు

అక్రమ కట్టడాలను కాదు
అవినీతి పార్టీలని కూల్చేయండి
నీతి నిజాయితీల పునాదులతో
ప్రజాస్వామ్యంను పునర్మించండి ....

- దాసరి మోహన్‌,
  9985309080