తంగిరాల మెమోరియల్‌ ట్రస్ట్‌ ఆధ్వర్యంలో తంగిరాల కృష్ణప్రసాద్‌ స్మారక రంగస్థల పురస్కారాన్ని కృష్ణాజిల్లా వాసి ప్రముఖ రంగస్థల దర్శన నట ప్రయోక్త, స్వాతంత్య్ర సమరయోధులు బబ్బెళ్ళపాటి గోపాలకృష్ణ సాయికి అక్టోబర్‌ 2న ఉదయం 10 గంటలకు నందిగామ ప్రెస్‌క్లబ్‌లో ప్రదానం చేయనున్నట్లు చైర్‌పర్సన్‌ ప్రసన్నలక్ష్మి పేర్కొన్నారు. ఉమ్మడి ఆంధ్రప్రదేశ్‌ మాజీ హోంమంత్రి వసంత నాగేశ్వరరావు, నందిగామ డీఎస్పీ జి.నాగేశ్వరరెడ్డి, సమతా సమాజం కార్యదర్శి చింతా వెంకటేశ్వర్లు, రేపాల మోహన్‌రావు, జీడీఎంఎం కాలేజీ చైర్మన్‌ జి.వి. ప్రసాదరావు, రమ్యభారతి ఎడిటర్‌ చలపాక ప్రకాష్‌, రచయిత, కవి తంగిరాల చక్రవర్తి తదితరులు ఈ కార్యక్రమంలో పాల్గొననున్నారు.