రోడ్డంతా దేహాన్ని ఆరబెట్టుకుని
వచ్చిపోయే బండ్లకు వనుకుతూ
వరుణుకి చేతులెత్తి మొక్కుకుంటూ
వడ్లు కాంటా కోసం పడి గాపులు...

రైతు పరుగులు పరేషాన్‌తో
ఐకేపీ సెంటర్‌కు దలారికి మద్య
గోడు వెళ్లబోసుకుందామంటే
రైతు వేదిక తాళం వేసి వుండే ...

పండించడమే సాహసం అంటే
అమ్మడం ఒక యుద్ధం అయ్యింది
దుఃఖం ఒక్కటే తక్కువ
కన్నీళ్ళు కొన్ని ఒలికితే
తేమ శాతం పెంచు తారేమో...

రైతు రాజు అన్నోళ్లు
జర పల్లెకొచ్చి జూడండి
అన్నదాత కు ఇన్ని అగచాట్లా
అధికారుల సహాయం అంతంతే
ప్రభుత్వం మద్దతు ధర ప్రకటన వరకే

రైతు అలిగిననాడు
పళ్ళెం పట్టుకొని
కళ్లం చుట్టూ తిరగాలి

సిస్టమ్‌ మారకుంటే
వ్యవసాయానికి గ్రహణం పడితే
టాబ్లెట్స్‌ మాత్రమే తినాలి సుమా ....

- దాసరి మోహన్‌, 9985309080