let me know
సాంకేతిక పురోగతి పురటి తెరల వెనుక
ఆధునికం పేరుతో జనించే అణుబాంబులు
ఏ జ్ఞాన సముపార్జనకు ఆనవాళ్లు?

let me know
రిక్తహస్తాలతో రాజ్యాలన్నీ రక్త చరిత్ర లిఖించుకున్నాకా
కత్తుల వెనక కథలు ఎన్ని విన్నా
కలేబారపు కపాళం మీద కాకి మాత్రమే వాలిందని తెలిసి కూడా
కపోతాల రెక్కల కింద తుపాకుల తూటా లెందుకు ?

let me know
అశాశ్వతమైన ఈ దేహం అహంకారంతో
అధికారాన్ని ఘీంకరిస్తుంటే
ఏ జాతి తాలూకో, ఏ జాగ తాలుకో
యుద్ధ ప్రతిపాదన సిద్ధం చేస్తుంటే
అశాంతి శ్లోకం ఒకటే స్మశానం పాడే శోకం కాదా ?

let me know
విలాప గీతాన్ని నింపుకున్న యుద్ధభూమిలో
నీ మౌనం ఏ మనిషితనానికి నిర్వచనం ?

మేలుకొలుపు ఎప్పుడూ వేకువ గీతమే
కూలగొట్టి కుతంత్ర మంత్రం అవ్వకూడదు

- పి.సుష్మ