Authorization
Mon Jan 19, 2015 06:51 pm
కలలు చెదిరి దినసరి కూలీలు
దీనావస్థలతో
సతమతమౌతున్నారు...
పొట్ట చేతపట్టుకుని పయనమైన
ప్రతి వలస కార్మికుడు
కంచెలో చిక్కుకున్నాడు.
విధి గీసిన గీతలో పూట పూటకు
ఆకలి కోసం అన్వేషణ...!
కరుణించాల్సిన కర్మభూమి
కర్కశంగా మట్టి మనుషులను
ఒంటరి చేసింది..!
కండలను కరిగించి
చెమట చుక్కను చిందిస్తేనే కాదా?
రేపటి బతుకుతెరువు తీరేది.
డొల్ల బ్రతుకుల జీవనం
ఎడారిలో వెతుకులాట
బతుకు నడకలో నరకాన్ని
నాలుగు దిక్కుల చవిచూస్తున్నారు
అప్పుల ఊబి.. వడ్డీకి వడ్డీ గుదిబండై
గుండెలను బాధిస్తున్నవి..
బక్కచిక్కిన కుటుంబాలు
ఉన్నకాడ బతకలేక
అడుగడుగునా అతుకుల
బతుకులను పెనవేసుకొని
బతుకు బండిని సాగించేందుకు
వలస రెక్కలను తొడుక్కొని
దూరపు కొండలకు పయనమైతిరి.
ఓ ప్రక్క ఆకలి రక్కసి వెంటాడుతుంది
మరోపక్క మత్యు ఘోషలు
కరోనాతోనా..? ఆకలితోనా...?
సంకట స్థితిలో వలస కూలీలు!
అయినా..!
ఆత్మ స్థైర్యమే మనోధైర్యమై
అనునిత్యం జీవన పోరాటం
జీవితం నేర్పిన పాఠాలు..
సజీవంగా బాటలైనవి..!!
(ప్రస్తుతం వలస కూలీలు పడుతున్న కష్టాల గురించి రాసిన కవిత)
-కొలిపాక శ్రీనివాస్
9866514972