హైదరాబాద్ : భారత అంతరిక్ష పరిశోధన సంస్థ ఇస్రో ఎంతో ప్రతిష్ఠాత్మకంగా తీసుకున్న చంద్రయాన్-2 ప్రయోగం సాంకేతిక లోపంతో అర్థంతరంగా నిలిచిపోయిన సంగతి తెలిసిందే. ఈ నెల 15 వేకువ జామున శ్రీహరికోటలోని షార్ కేంద్రంలో జరగాల్సిన ప్రయోగం వాయిదా పడింది. ఒక చిన్న జాయింట్ ప్రతిష్ఠాత్మక ప్రాజక్టును నీరుగార్చింది. అయితే, లోపాన్ని వెంటనే గుర్తించిన ఇస్రో వర్గాలు ఈసారి మరింత లోప రహితంగా ప్రయోగం నిర్వహించాలని తలపోస్తున్నారు. చంద్రయాన్-2 స్పేస్ క్రాఫ్ట్ క్రయోజనిక్ దశలో లీకేజి ఉన్నట్టు తెలుసుకున్నారు. దీన్ని సరిచేసేందుకు ఇస్రో ఇంజినీర్ల బృందం అహర్నిశలు కృషి చేస్తోంది.
అన్నీ అనుకూలిస్తే ఈ నెల 21 గానీ, 22వ తేదీ గానీ చంద్రయాన్-2 ప్రయోగం నిర్వహించాలని ఇస్రో వర్గాలు భావిస్తున్నాయి. మొదట రీలాంచ్ కు అనువైన సమయంగా జూలై 22వ తేదీగా నిర్ణయించినా, అంతకుముందు రోజు కూడా ప్రయోగానికి అనుకూలంగానే ఉండడంతో ఈ రెండు తేదీల్లో ఏదో ఒక రోజు ప్రయోగం నిర్వహించేందుకు సన్నాహాలు చేస్తున్నారు.
Mon Jan 19, 2015 06:51 pm
- మీరు ఇక్కడ ఉన్నారు
- ➲
- హోం
- ➲
- తాజా వార్తలు
- ➲
- స్టోరి
- Jul 17,2019 03:56PM