- స్పందించిన ఐబీ అధికారులు
- యుద్ద ప్రాతిపదికన చర్యలు
- నవతెలంగాణ కథనానికి స్పందన
నవతెలంగాణ-హసన్‌పర్తి
గ్రేటర్‌ 66వ డివిజన్‌ కేంద్రం హసన్‌పర్తి పెద్ద చెరువు కట్టకు పడిన గండిని ఐబీ అధికారులు పూడ్చివేశారు. చెరువు నుంచి నీరు వృథా కాకుండా యుద్ద ప్రాతిపదికన చర్యలు తీసుకున్నారు. చెరువు నీరు వృథా కాకుండా చర్యలు తీసుకోవడంపై ఆయకట్టు రైతులు హర్షం వ్యక్తం చేశారు. వివరా ల్లోకి వెళితే హసన్‌పర్తి పెద్ద చెరువు కట్టకు గండి. ఆలస్యంగా గుర్తించిన రైతులు వృథా నీటిని అరికట్టాలని రైతుల డిమాండ్‌... అనే కథనంపై నవతెలంగాణలో ఈ నెల 10వ తేదీన ప్రచురితమైన వార్తాకథనానికి ఐబీ అధికారులు స్పందించారు. యుద్ద ప్రాతిపదికన సత్వర చర్యలు తీసుకున్నారు. పెద్ద చెరువు కట్టకు 10 మీటర్ల దూరంలో ఉన్న కట్ట గండిని ఐబీ అధికారులు సందర్శించి గండి పూడ్చివేయడంతో ఆయకట్టు రైతులు హర్షం వ్యక్తం చేశారు.