- డిప్యూటీ మేయర్‌ రిజ్వానా షమీమ్‌ మసూద్‌
ఎమ్మెల్యే జన్మదినం సందర్భంగా చీరల పంపిణీ
నవతెలంగాణ-ఖిలా వరంగల్
వరంగల్ తూర్పు ఎమ్మెల్యే నన్నపునేని నరేందర్‌ కార్పొరేటర్‌ స్థాయి నుంచి ఎమ్మెల్యేగా ఎదిగి ప్రజల గుండెల్లో చిరస్థాయిగా నిలిచి ఉంటారని, ఆయన మరిన్ని ఉన్నత పదవులు అధిరోహించాలని డిప్యూటీ మేయర్‌ రిజ్వానా షమీమ్‌ మసూద్‌ అన్నారు. గురువారం 36వ డివిజన్‌లో టీఆర్‌ఎస్‌ నాయకుడు గడల రమేశ్‌ ఆధ్వర్యంలో ఎమ్మెల్యే జన్మదిన వేడుకలను ఘనంగా నిర్వహించారు. ఈ కార్యక్రమానికి డిప్యూటీ మేయర్‌ ముఖ్యఅతిథిగా హాజరయ్యారు. ఈ సందర్భంగా పుప్పాలగుట్టలో కేకు కట్‌ చేసి మహిళలకు చీరలు పంపిణీ చేశారు. అనంతరం చింతల్‌లో మొక్కలు నాటారు. ఈ సందర్భంగా డిప్యూటీ మేయర్‌ మాట్లాడారు. ఎమ్మెల్యే నరేందర్‌ ప్రజలకు ఏ ఆపద వచ్చినా వెంటనే ఆ సమస్యల పరిష్కారానికి కృషి చేస్తున్నాడని తెలిపారు. ఈ కార్యక్రమంలో 36వ డివిజన్‌ టీఆర్‌ఎస్‌ నాయకులు, కార్యకర్తలు, స్థానిక ప్రజలు తదితరులు పాల్గొన్నారు.
