ఏసీపీఎస్‌ హన్మకొండ అధ్యక్షుడు వెలగందుల రాజు
విశ్రాంత ఉపాధ్యాయుడు పరమేశ్వర్‌కు సన్మానం
నవతెలంగాణ-హన్మకొండ చౌరస్తా
ఉపాధ్యాయులను గౌరవించడాన్ని సామాజిక బాధ్యతగా గుర్తించాలని ఆర్యవైశ్య చైతన్య పోరాట సమితి (ఏసీపీఎస్‌) హన్మకొండ కార్యవర్గ అధ్యక్షుడు వెలగందుల రాజు అన్నారు. మాజీ ఉపరాష్ట్రపత్రి డాక్టర్‌ సర్వేపల్లి రాధాకృష్ణన్‌ జయంతిని పురస్కరించుకుని గురుపూజోత్సవం సందర్భంగా ఏసీపీఎస్‌ హన్మకొండ కార్యవర్గం ఆధ్వర్యంలో హన్మకొండలో విశ్రాంత ఉపాధ్యాయుడు పరమేశ్వర్‌ను ఆదివారం సన్మానించారు. అనంతరం వెలగందుల రాజు మాట్లాడారు. సమాజ నిర్మాణంలో ఉపాధ్యాయుల పాత్ర కీలకమన్నారు. కార్య క్రమంలో ఏసీపీఎస్‌ ప్రతినిధులు చిదురాల అభిషేక్‌ తదితరులు పాల్గొన్నారు