బురద రోడ్లపై తాత్కాలిక మరమ్మతులు
నవతెలంగాణ-శాయంపేట
అధికార పార్టీ ఎమ్మెల్యేలు, మంత్రులు పర్యటన చేసినప్పుడు అధికారులు హడావుడిగా తాత్కాలిక మరమ్మతులు చేస్తూ చేతులు దులుపు కుంటున్నారు. స్థానిక ఎంపీడీఓ కార్యాలయం నుంచి ఐకేపీ కార్యాలయానికి వెళ్లే దారి ఇటీవల కురిసిన వర్షాలకు బురదమయంగా మారింది. మంగళవారం ఆ ప్రాంగణంలోనే మండల సర్వసభ్య సమావేశం జరగనుంది. ఈ సమావేశానికి ముఖ్య అతిథులుగా భూపాలపల్లి ఎమ్మెల్యే గండ్ర వెంకటరమణారెడ్డి, వరంగల్‌ రూరల్‌ జెడ్పీ చైర్పర్సన్‌ గండ్ర జ్యోతి హాజరుకానున్నారు. వీరి పర్యటనను దష్టిలో పెట్టుకొని సోమవారం అధికారులు బురద రోడ్లపై డస్ట్‌ పోసి బురద లేకుండా చదును చేయించారు. తాత్కాలిక పనులు కాకుండా శాశ్వత పనులు చేపట్టాలని ప్రజలు కోరుతున్నారు.