నవతెలంగాణ-జఫర్గడ్‌
సీపీఐ(ఎం) మండల కార్యదర్శిగా మూడవసారి మండలంలోని తిమ్మాపురం గ్రామానికి చెందిన రాపర్తి సోమయ్య ఏకగ్రీవంగా ఎన్నికైనట్లు సీపీఐ(ఎం) జిల్లా కార్యదర్శి మోకు కనకారెడ్డి, జిల్లా కార్యదర్శి వర్గ సభ్యులు రాపర్తి రాజు తెలిపారు. సోమవారం మండల కేంద్రంలో సీపీఐ(ఎం) మండల ఏడో మహాసభ గుండెబోయిన రాజు, కాటా సుధాకర్‌, ఎండీ అధ్యక్షతన నిర్వహించారు. ఈ సందర్భంగా 13 మందితో నూతన మండల కమిటీ ఎన్నికున్నారు. ఇందులో ఐదుగురు మండల కార్యదర్శి వర్గ సభ్యులు గా రాపర్తి సోమయ్య, జువారి రమేష్‌, కాటా సుధాకర్‌, యాతం సమ్మయ్య, గుండెబోయిన రాజు ఎన్నికయ్యారు. మండల కమిటీ సభ్యులుగా ముక్కెర గంగరాజు, ఎస్కే ఏగ్‌ భల్‌, నరసింగ రాజు, నల్ల తీగల శ్రీనివాస్‌, బుల్లె దూడ య, ఎండీ షబానా, వడ్లకొండ సుధాకర్‌ ఎన్నికయ్యారు. ఈ సందర్భంగా నూతన మండల కార్యదర్శి రాపర్తి సోమయ్య మాట్లాడుతూ కేంద్ర రాష్ట్ర ప్రభుత్వాలు అవలంభిస్తున్న ప్రజావ్యతిరేక విధానాలపై ప్రజలను సమీకరించి సమరశీల పోరాటాలు నిర్వహిస్తూ పార్టీని బలోపేతం చేస్తానన్నారు
