అ జిల్లా కలెక్టర్‌ సీహెచ్‌ శివలింగయ్య
నవతెలంగాణ-జనగామ
విద్యార్థుల్లో సృజనాత్మకతను వెలికితీయాలని జిల్లా కలెక్టర్‌ సీహెచ్‌ శివలింగయ్య అన్నారు. అజాద్‌కా అమృత్‌ మహోత్సవ్‌ సందర్భంగా ఆగస్ట్‌12 న రిమోట్‌ సెన్సింగ్‌డేలను పురస్కరించుకుని రిమోట్‌ సెన్సింగ్‌ సెంటర్‌ ఆధ్వర్యంలో ఈ నెల 11న ఆన్లైన్‌ క్విజ్‌ పోటీలు నిర్వహించిన విషయం తెలిసిందే. రాష్ట్రం లోనే మొదటి స్థానం సాధించిన స్థానిక శ్రీ అరబిందో పాఠశాల 10వ తరగతి విద్యార్థి గుఫ్రాన్‌ అనస్‌కు ఎన్‌ఆర్‌ఎస్‌సీ, ఇస్రోలు బహుకరించిన మెడల్‌, సర్టిఫికెట్లను సోమవారం జిల్లా కలెక్టరేట్‌ లో కలెక్టర్‌ అందజేశారు. గుఫ్రాన్‌ అనస్‌ మరిన్ని విజయాలు సాధించాలని కలెక్టర్‌ ఆకాంక్షించారు. ఈ కార్యక్రమంలో డీఈఓ రాము, జిల్లా సైన్స్‌ అధికారిణి గౌసియా బేగం, శ్రీ అరబిందో పాఠశాల కరస్పాండెంట్‌ ప్రభాకర్‌ రెడ్డి తదితరులు పాల్గొన్నారు.