నవతెలంగాణ-హన్మకొండ
బుధవారం ఆర్ట్స్‌ కళాశాల ఆవరణలో నిర్వహించిన బతుకమ్మ చీరల పంపిణీ కార్యక్రమానికి చీఫ్‌ విప్‌, ఎమ్మెల్యే దాస్యం వినరుభాస్కర్‌ ముఖ్యఅతిథిగా హాజరయ్యారు. ఈ సందర్భంగా ఆయన మహిళలు బతుకమ్మ చీరలు పంపిణీ చేసి మాట్లాడారు. ఎంగిలి పూల బతుకమ్మ పండుగ శుభాకాంక్షలు తెలియజేశారు. ఈ కార్యక్రమంలో కార్పొరేటర్‌ రావు కోమల, టీఆర్‌ఎస్‌ నాయకులు పొడిశెట్టి అనిల్‌, గ్రేటర్‌ మున్సిపల్‌ ఆర్‌ఓ ఏ సుదర్శన్‌, ఆర్‌ఐ సుఖద తదితరులు పాల్గొన్నారు.
శాయంపేట : స్థానిక ఎంపీడీఓ కార్యాలయంలోఎంపీపీ మెతుకు తిరుపతిరెడ్డి అధ్యక్షతన నిర్వహించిన బతుకమ్మ చీరల పంపిణీ కార్యక్రమానికి వరంగల్ రూరల్‌ జెడ్పీ చైర్‌పర్సన్‌ గండ్ర జ్యోతి ముఖ్య అతిథిగా హాజరయ్యారు. ఈ సందర్భంగా ఆమె మహిళలకు చీరలు పంపిణీ చేశారు. ఈ కార్యక్రమంలో ఎంపీడీఓ ఆమంచ కష్ణమూర్తి, టీఆర్‌ఎస్‌ మండలాధ్యక్షుడు గంగుల మనోహర్‌ రెడ్డి, పీఏసీిఎస్‌ చైర్మన్‌ కుసుమ శరత్‌, వైస్‌ చైర్మన్‌ తిరుపతిరెడ్డి, సర్పంచ్‌ కందగట్ల రవి తదితరులు పాల్గొన్నారు.
సంగెం : మొండ్రాయి, కుంటపల్లిల్లో సర్పంచులు గూడ కుమారస్వామి, కావటి వెంకటయ్య ఆధ్వర్యంలో ఏర్పాటు చేసిన బతుకమ్మ చీరల పంపిణీ కార్యక్రమంలో ఎంపీపీ కందగట్ల కళావతి మహిళలకు చీరలు పంపిణీ చేశారరు. కార్యక్రమంలో మండల రైతు బంధు సమితి అధ్యక్షుడు కందగట్ల నరహరి, ఎంపీటీసీ కొనకటి రాణి మొగిలి, ఉపసర్పంచ్‌ పెండ్లిశారద కుమారస్వామి, యూత్‌ నాయకులు పురుషోత్తం, ప్రవీణ్‌ తదితరులు పాల్గొన్నారు.
నెక్కొండ రూరల్‌ : ముదిగొండలో బుధవారం మహిళలకు బతుకమ్మ చీరెలను జెడ్పీటీసీ సరోజనహరికిషన్‌, మండల పార్టీ అధ్యక్షులు సూరయ్య, సర్పంచ్‌ శైలజ ప్రభాకర్‌లతో కలిసి ఎంపీపీ రమేష్‌నాయక్‌ పంపిణీ చేశారు. బంజరుపల్లిలో జరిగిన చీరెల పంపిణీ కార్యక్రమంలో సర్పంచ్‌ స్వరూపరవి, ఉపసర్పంచ్‌ రాజశేఖర్‌, కోఆప్షన్‌ వీరస్వామి, ఇంద్ర పాల్గొన్నారు. చంద్రుగొండ గ్రామంలో జరిగిన కార్యక్రమంలో మండల పార్టీ అధ్యక్షులు సూరయ్య, సర్పంచ్‌ రాజమ్మసాంబయ్య, ఉపసర్పంచ్‌ సతీష్‌ తదితరలు పాల్గొన్నారు. సీతారాంపురం గ్రామంలో సర్పంచ్‌ చంద్రమూళి చీరెలను పంపిణీ చేశారు.
