నవతెలంగాణ- హన్మకొండ
న్యూశాయంపేట కోట చెరువులో బుధవారం 31వ డివిజన్‌ కార్పొరేటర్‌ మామిండ్ల రాజు చేప పిల్లలను వదిలారు. ఈ సందర్భంగా ఆయన మాట్లాడుతూ.. టీఆర్‌ఎస్‌ చేపపిల్లల పంపిణీతో మత్య్సకారుల జీవితాల్లో వెలుగులు నిండుతున్నాయన్నారు. బుధవారం సుమారు 50వేల చేపపిల్లలను వదిలినట్టు తెలిపారు. అనంతరం మత్స్యకారులు ఆయనకు వినతి పత్రం అందజేశారు. కార్యక్రమంలో మత్స్యకారుల సంఘం అధ్యక్షుడు సారంగపాణి, భయ్యా శోభన్‌, నరసింహ స్వామి, మధు, రావుల పాణి పాల్గొన్నారు. నెక్కొండ రూరల్‌ : మండలంలోని ముదిగొండ పెద్ద చెరువులో బుధవారం ప్రభుత్వం పంపిణీ చేస్తున్న చేప పిల్లలను మత్య్పశాఖ అధికారులు అందించగా ఎంపీపీ రమేష్‌నాయక్‌ చెరువులో విడుదల చేశారు. మండల పార్టీ అధ్యక్షులు సూరయ్య, సర్పంచ్‌లు శైలజప్రభాకర్‌, వీరునాయక్‌, రైతు బంధు మండల అధ్యక్షులు ధర్మారెడ్డితో కలిసి ఎంపీపీ చేప పిల్లలను విడుదల చేశారు. ప్రభుత్వం మత్య్సకారులను ప్రోత్సహించి, ఆర్ధికంగా ఎదిగేందుకు ప్రభుత్వం అన్నిరకాలుగా ప్రోత్సహకాలు అందిస్తుందన్నారు. ప్రభుత్వం అందిస్తున్న పథకాలను మత్య్సకారులు సద్వినియోగం చేసుకోవాలన్నారు. కార్యక్రమంలో ఉపసర్పంచ్‌ అశోక్‌, ముదిరాజ్‌ సంఘం, పార్టీ నాయకులు పాల్గొన్నారు.