నవతెలంగాణ-బయ్యారం
మండలంలోని పలువురు మృతుల కుటుంబాలను జెడ్పీ చైర్‌పర్సన్‌ అంగోతు బిందు నాయక్‌ ఆదివారం పరామర్శించారు. ఉప్పలపాడు గ్రామపంచాయతీ పరిధి లోని లక్ష్మీనర్సింహపురంలో ఇటీవల చనిపోయిన రావుల వీరన్న కుటుంబాన్ని తొలుత పరామర్శించారు. ముందుగా వీరన్న చిత్రపటానికి పూలు చల్లి నివాళ్లర్పించారు. అనంతరం గౌరారం పంచాయతీ పరిధిలోని వినోభా నగర్‌లో చనిపోయిన తుమ్మలపల్లి కాంతమ్మ మృతదేహానికి పూలమాల వేసి నివాళ్లర్పించి ఆ కుటుంబాన్ని ఓదార్చారు. తదనంతరం పాత ఇర్సులాపురం గ్రామంలో ఇటీవల చని పోయిన మాజీ సర్పంచ్‌ శేఖర్‌ తల్లి నర్సమ్మ చిత్రపటానికి పూలు చల్లి నివాళ్లర్పించి ఆ కుటుంబాన్ని పరామర్శించారు. అలాగే గ్రామానికి చెందిన సూర్నపాక వీరస్వామి కుటుంబాన్ని, కొత్త ఇర్సులాపురంలో ఆర్‌ఎంపీ డాక్టర్‌ రాజేష్‌ నాయినమ్మ ఇటీవల చనిపోగా ఆమె చిత్రపటానికి నివాళ్లర్పించి ఆ కుటుంబాన్ని పరామర్శించారు. బయ్యారం పంచాయతీ పరిధిలోని కట్టుగూడెం గ్రామంలో చని పోయిన వార్డు సభ్యులు కుంజా శ్యామ్‌ పెద్దనాన్న కుంజా రామనాధంకు నివాళ్లర్పించారు. బయ్యారం గ్రామంలో ఇటీవల చనిపోయిన ఆకుల అశోక్‌ ఇంటికి వెళ్లి అతడి కుటుంబాన్ని పరామర్శించారు. జెడ్పీ చైర్‌పర్సన్‌ వెంట సొసైటీ చైర్మెన్‌ మూల మధూకర్‌రెడ్డి, సర్పంచ్‌ నిక్కా వీరభద్రం, టీఆర్‌ఎస్‌ నాయకులు ఆవుల లింగయ్య, రైతు సమన్వయ సమితి మండల కోఆర్డినేటర్‌ రాసమళ్ల నాగేశ్వర్‌రావు, ఎంపీటీసీ ఏనుగుల అన్నపూర్ణ రాకేష్‌, నాయ కులు రేఖ ఉప్పలయ్య, వార్డ్‌ సభ్యులు ఎట్టి నాగేశ్వర్‌రావు, సీనియర్‌ నాయకులు పెద్దినేని వెంకటేశ్వర్‌రావు, బానోత్‌ మంత్రియ తదితరులు పాల్గొన్నారు.
