11 మంది అరెస్ట్‌-8 వాహనాలు స్వాధీనం
నవతెలంగాణ-మంగపేట
మండలంలోని బ్రాహ్మణపల్లి, దోమెడ గ్రామ పంచాయతీల పరిధిలోని అటవీ ప్రాంతంలో పేకాట, కోడి పందాలు ఆడుతున్న 11 మందిని పోలీసులు అదుపులోకి తీసుకున్నారు. వారి నుంచి 7 ద్విచక్ర వాహనాలతోపాటు, ఒక ఆటోను, రూ.5 వేల 800లు నగదును, కోడి పుంజుని స్వాధీనం చేసుకుని కేసు నమోదు చేశారు. ఈ సందర్భంగా ఎస్సై తాహెర్‌ బాబా ఆదివారం విలేకర్లకు వివరాలు వెల్లడించారు. కొందరు వ్యక్తులు పేకాట, కోడిపందాలు ఆడుతున్నట్టు పోలీసులకు విశ్వసనీయ సమాచారం అందడంతో శనివారం సాయంత్రం బ్రాహ్మణపల్లి, దోమెడ అటవీ ప్రాంతంలో పోలీసులు గాలింపులు చేపట్టారు. ఈ క్రమంలో బ్రాహ్మణపల్లి పరిసరాల్లో పేకాట ఆడుతున్న కోడం రవీందర్‌, కోడం సాయిబాబా, పాట్రు సమ్మయ్య, మల్లి చెంచయ్య, బొమ్మల ముఖేష్‌, గుమ్మల రమేష్‌, మునిగాల హరికష్ణ, చౌళం రామారావు, బట్ట కార్తీక్‌, గుమ్మల రాజు, బోడ ఈశ్వర్‌లను పోలీసులు అదుపులోకి తీసుకున్నారు. వారి నుంచి వాహనాలను, నగదును, కోడి పుంజును స్వాధీనం చేసుకున్నారు.