నవతెలంగాణ-కాశీబుగ్గ
బహుళజాతి కంపెనీల్లో ప్రతిష్టాత్మకమైన కంపెనీ సెక్రటరీ(సీఎస్‌) ఉద్యోగాల కోసం నిర్వహించిన అర్హత పరీక్షల్లో నీరజ్‌ లాహౌటి, అంకితా లాహౌటిలు ఎంపికయ్యారు. దీంతో కృష్ణాకాలనీలో వారిని ఆదివారం టీఆర్‌ఎస్‌ రాష్ట్ర నాయకులు, వరంగల్ అర్బన్‌ బ్యాంకు చైర్మన్‌ ఎర్రబెల్లి ప్రదీప్‌ రావు అభినందించారు. అనంతరం పుష్పగుచ్చాలు అందజేసి శాలువాలతో సన్మానించారు. సీఎ, సీఎస్‌ ఉద్యోగాల కోసం జాతీయ స్థాయిలో నిర్వహించే ఈ అర్హత పరీక్షల్లో ఉత్తీర్ణత సాధించి వరంగల్‌కు పేరు తీసుకురావడం గర్వకారణమన్నారు. ఒకే కుటుంబానికి చెందిన ఇద్దరు విద్యార్ధులు ప్రతిష్టాత్మకమైన ఉద్యోగాలకు అర్హత సాధించడం గొప్ప విషయమన్నారు. విద్యార్థుల తల్లిదండ్రులు గోపి కిషన్‌ లాహౌటి, శ్రీనివాస్‌ లాహౌటీలను అభినందించారు.
మీ స్నేహితులకు రికమెండ్ చెయ్యండి
