నవతెలంగాణ-ఖిలా వరంగల్‌
ప్రతిఒక్కరూ తమ పరిసరాలను పరిశుభ్రంగా ఉంచుకోవాలని తద్వారా రోగాలు దరిచేరవని 40వ డివిజన్‌ కార్పొరేటర్‌ మరుపల్ల రవి అన్నారు. డివిజన్‌లో ఆదివారం 10 గంటలకు 10నిమిషాలు కార్యక్రమాన్ని నిర్వ హించారు. ఈ సందర్భంగా ఆయన డివి జన్‌లోని కొత్త కుమ్మరివాడలో ఇంటింటా తిరుగుతూ పరిసరాల పరిశుభ్రత గురించి అవ గాహన కల్పించారు. పరిసర ప్రాంతాల్లో నీరు నిల్వ ఉండకుండా చూసుకోవాలన్నారు. ప్రతి ఒక్కరూ వ్యక్తిగత పరిశుభ్రతతో పాటుగా పరిస రాలను పరిశుభ్రంగా ఉంచుకోవాలన్నారు. అనంతరం మలేరియా సిబ్బంది చేపట్టిన రసాయనాల పిచికారీ పనులను ఆయన పరిశీలించారు. కార్యక్రమంలో హెల్త్‌ అసిస్టెంట్‌ శివకుమార్‌, స్థానికులు ఎలగందుల కమలాకర్‌, అవునూరి శ్రీను, కోమల, సునీత పాల్గొన్నారు.