అ మాజీమంత్రి, మంథని ఎమ్మెల్యే దుద్దిళ్ళ శ్రీధర్‌ బాబు
నవతెలంగాణ-మల్హర్‌రావు
హుజురాబాద్‌ లో కాంగ్రెస్‌ పార్టీ జెండా ఎగరడం ఖాయమని మాజీమంత్రి, మంథని ఎమ్మెల్యే దుద్దిళ్ళ శ్రీధర్‌ బాబు ఆశాభావం వ్యక్తం చేశారు. కాంగ్రెస్‌ పార్టీ తరుపున ఉప ఎన్నికల్లో పోటీ చేసిన విద్యార్థి సంఘము నాయకుడు బాల్మురి వెంకట్‌ తరుపున సోమవారం ప్రచారం నిర్వహించారు. అనంతరం విలేకరులతో ఎమ్మెల్యే మాట్లాడారు. పోరాడి సాధించుకున్న తెలంగాణ లో పేద ప్రజలకు ఒరిగిందేమీ లేదన్నారు. 1200 మంది అమరుల త్యాగాల పునాదులపై గద్దెనెక్కిన కేసీఆర్‌ దళితులకు మూడెకరాల భూమి, డబుల్‌ బెడ్‌ రూం, ఏక కాలంలో రుణ మాఫీ, కేజీ టూ పీజీ అమలు చేస్తానని చెప్పి నేడు విస్మరించారని అన్నారు. పంటకు గిట్టుబాటు ధర కల్పించట్లేదన్నారు. హుజురాబాద్‌ నియోజకవర్గ ప్రజలే కేసీఆర్‌కుగుణపాఠం చెబుతారని అన్నారు. విద్యార్థి సంఘం నాయకుడు యువకుడు బాల్మురి వెంకట్‌ను హుజురాబాద్‌ ప్రజలు ఆశీర్వదించాలని కోరారు.
