నవతెలంగాణ-కొత్తగూడ
కొమురం బీం స్ఫూర్తి తో పొడుభూముల పట్టాల కోసం పోరాడుదామని సీపీఐ(ఎం ఎల్‌) న్యూడెమోక్రసీ జిల్లా నాయకులు బూర్క వెంకటయ్య పిలుపునిచ్చారు. కొమురం బీం 81వ వర్ధంతి సందర్బంగా బుధవారం మండలకేంద్రంలోని న్యూడెమోక్రసీ కార్యాలయం లో కొమురం బీం చిత్రపటానికి పూలమాలలువేసి నివాళులర్పించారు. ఈసందర్బంగా ఆయన మాట్లాడుతూ నేడు కేంద్ర, రాష్ట్ర ప్రభుత్వాలు అవలంభిస్తున్న గిరిజన వ్యతిరేక విధానాలను తిప్పికొట్టేందుకు ఆదివాసులంతా ఏకమై పోరాడుదామన్నారు. ఈ కార్యక్రమంలో నాయకులు పీడీఎస్‌ యూ జిల్లా అధ్యక్షులు శ్రీశైలం, జిల్లా నాయకులు యాదగిరి యుగంధర్‌, దేవులపల్లి మంగన్న, లక్ష్మయ్య, నారాయణ రెడ్డి, సురేందర్‌, వెంకన్న, లక్ష్మి, సరోజన తదితరులు పాల్గొన్నారు.